Get more papers of the same author

台語ê “米” /bi/ häm英語ê “bee” kám有影käng-khoán?

--Uì Voice Onset Time ê觀點看台語häm英語ê塞音ê差異

蔣為文 (Wi-vun T. Chiung)

美國德州大學(UT-Arlington)語言所

一、               研究動機häm目的

台語ê“米” /bi/ häm英語ê“bee”(蜂仔)聽起來kám有käng-khoán?有人講，英語ê bee聽起來sêng台語ê“米”，mä有人講像“比”/pi/。到底英語ê「濁塞音」(voiced stop consonants) /b/是sêng台語音韻系統內底ê /b/抑是/p/ ?

若就「音韻學」(phonemics) ê角度來看，台語ê /b/ (eg.米) kap /g/ (eg.語) häm英語ê /b/ (eg. bee) kap /g/ (eg. guy)應該是屬käng一類ê濁塞音。若是án-ne，為啥物有台灣人會認為英語ê濁塞音/b d g/聽起來無sêng台語ê濁塞音/b g/，顛倒sêng清塞音/p t k/?

因為有以上即款對台語häm英語ê相對   塞音ê認知ê無kâng，所以mä反應t„台語羅馬字系統ê符號選用頂頭：有ê方案，像講「通用拼音乙式」選b d g來表示台語ê /p t k/，用p t k來表示/p^h t^h k^h/；mä有方案，像講「白話字」kap「通用拼音甲式」，選b g來表記台語ê /b g/，用p t k記/p t k/。

即ê研究就是beh瞭解是啥物原因造成以上ê語音認知ê差異；即ê研究uì 「a-khu-thit-kho語音學」(acoustic phonetics) ê角度來測量比較台語häm英語ê Voice Onset Time (VOT；開始發聲時間)，thang解答頂高ê問題。

二、               台語häm英語ê塞音

若就「音韻學」ê角度來講，台語ê「塞音」(stop consonants)有三種類型，抑就是「清塞音」(voiceless stop)、「濁塞音」(voiced stop)kap「送氣音」(aspirated)；英語ê「塞音」kan-täⁿ分「濁塞音」kap「非濁-塞音」二類，抑就是講t„英語ê音韻系統內底是無分「清塞音」kap「送氣音」。台語häm英語ê塞音分別列t„圖表1 kap 2，thang乎各位看了khah清楚。

圖表 1. 台語ê塞音系統

圖表 2. 英語ê塞音系統

為啥物講台語ê塞音有3種，ah英語kan-täⁿ 2類?這是因為台語hit 3種塞音lóng有法度chhoë tiõh「上細對立體」(minimal pairs)，˜-kõh t„英語內底soah無法度t„清塞音kap送氣音之間chhoë tiõh「上細對立體」。像講，台語內底ê米/bi/、比/pi/、鄙/p^hi/，因為「聲母」(i.t.s. /b p p^h/)無käng，soah分別造成3種無käng ê語意，所以有「上細對立體」。‹-koh t„英語內底，“有送氣”häm“無送氣”(i.t.s.清塞音)是一種“無意識”ê自然發音行為，而且in之間呈現一種「互補分布」(complementary distribution) ê關係，所以chhoë無「上細對立體」。舉例講，spy (爪扒仔) kap pie (美國雞卵糕餅)即2個詞，若tùi講英語ê美國人來講，in ka-t„認為聽起來2個p lóng是發käng-khoán ê音，抑就是/spai/ kap /pai/ (tú-hó是音韻學ê角度)；但是，若就語音學(phonetics) ê角度來講， in p ê發音事實上是無käng ê，分別是無送氣ê [spai] kap 有送氣ê [p^hai]。這是因為t„英語內底，送氣音kan-täⁿ會出現ti語音ê頭前；相對之下，[s]後壁ê塞音一定是清塞音[p]。T„即個例lìn，咱講[p] häm [p^h]是英語ê語音音素(phonemes) /p/ ê 2個「音素變體」或者「同位音」(allophones)。

三、               研究方法

Beh區別「清塞音」、「濁塞音」kap「送氣音」即3類ê塞音，ë-sái透過電腦做「聲譜」(spectrograms) ê測量。即3種塞音若透過聲譜分析，ë-sái真清楚觀察出in ê特色。請比較下面圖表 3 、圖表 4 kap圖表 5 。即kúi張「聲譜圖」內底，橫座標是時間，直座標是頻率，粗白線表示ê是2個嘴唇phah開ê hit ê當袸。一般來講，咱人發濁塞音ê時袸，t„嘴唇phah開儘前咱人nâ-âu ê聲帶就已經開始振動。即ê振動會顯示t„聲譜圖，抑就是圖表 3 內底粗白線häm幼白線之間色致khah無käng ê hit giah。咱人tãk pái發濁塞音ê時，粗白線häm幼白線之間ê時間長短lóng無sáⁿ käng，所以無形中形成khah濁、khah無濁ê差別。雖然時間長短無käng，˜-koh in一定有一個時間範圍，像講本實驗內底台語ê /b/大約是-135至-57 msec (千分之一秒；以粗白線做中心線，負號表示t„粗白線ê倒pêng)之間。粗白線häm幼白線之間即段時間號做「聲音發出時間」(Voice Onset Time)。無käng ê語言，in ê「聲音發出時間」ê範圍會無käng。

圖表 3. 濁塞音[ba] ê聲譜

圖表 4. 送氣音[p^ha] ê聲譜

圖表 5. 清塞音[pa] ê聲譜

Soà--lâi咱來講送氣音ê情形(圖表 4 )：t„嘴唇phah開、氣開始出來hit袸，「韻母」ê聲音iáu無hiah緊出來。Ài過ch…t-si-á韻母ê聲chiah會出來(圖lìn幼白線是韻母開始發聲hit袸)。粗白線häm幼白線之間即段時間就是VOT。即段送氣過程因為發生t„粗白線(嘴唇phah開ê hit ê當袸) ê正pêng，所以定做「正」ê。T„即ê實驗內底，台語/p^h/ ê VOT是t„ 136至47之間。

圖表 5 是清塞音ê聲譜圖。清塞音因為送氣真chió，嘴唇一phah開，韻母就差不多順hit ê時勢piàⁿ出來。所以清塞音ê粗白線häm幼白線真oá (圖lìn kan-taⁿ畫粗白線)，抑就是講伊ê VOT真短。T„即ê實驗內底，台語/p/ ê VOT是t„ 30至0之間。

即個研究就是以頂面所講ê聲譜理論來分析比較台語häm英語ê VOT。台語ê部分是針對一個cha-p¬ ê、28歲、以台語為母語ê「發音人」所做ê測量。英語ê部分直接採用Lisker and Abramson (1964) ê實驗數據。

本實驗採用ê是Mac版本ê Signalyze軟體。實驗過程是由發音人照事先安排好ê語詞樣本(word list)來發音。每一個語詞lóng是CV單音節、單聲母、kap單韻母結構(參閱附件一)，每一個語詞lóng重複錄5 pái。

四、               結果häm討論

按照頂面所講ê研究方法來測量了，咱ë-sái得tiõh下面圖表 6 ê 台語VOT數據(詳細請參閱附件一)。英語ê VOT數據(Lisker and Abramson 1964) mä列t„圖表 7 thang乎大家做比較。